ក្រុមអាហ្សង់ទីន បានបរាជ័យក្រោមថ្វីជើងក្រុមកូឡុំប៊ីក្នុងលទ្ធផល ២-០ នាការប្រកួតបើកឆាកពានរង្វាន់ Copa America កាលពីម្សិលមិញនេះ។
ជាមួយលទ្ធផលមិនគាប់ប្រសើរនេះដែរ ខ្សែប្រយុទ្ធ Lionel Messi បាននិយាយថានេះជាពេលវេលាមិនល្អមួយសម្រាប់ក្រុមទាំងមូល ដែលត្រូវចំណាយពេលក្នុងការបំភ្លេចវា។ ក្រុមអាហ្សង់ទីន ត្រូវស្វែងរកចំណុចខ្វះខាតក្នុងការប្រកួតចាញ់នេះ ដើម្បីកែលម្អឡើងវិញសម្រាប់ប្រកួតបន្ទាប់។ ក្រុមអាហ្សង់ទីន នៅតែមានឱកាសសម្រាប់ឡើងវគ្គបន្ដ។
ការប្រកួតសន្សំពិន្ទុតាមពូលនេះដែរ អាហ្សង់ទីននៅពូល B ជាមួយក្រុមប៉ារ៉ាហ្គាយ កូឡុំបី និងកាតា។ ការប្រកួតបើកឆាកនេះ ពួកគេបាត់៣ពិន្ទុទៅហើយ៕ប្រភព៖ Marca