ខ្សែប្រយុទ្ធវ័យក្មេងប្រេស៊ីល Rodrygo Goes នឹងត្រូវមកកាន់ទឹកដី Real Madrid នារដូវកាលនេះហើយ ក្រោយពីរូបគេពេញវ័យ១៨ឆ្នាំ។Rodrygo នឹងធ្វើការប្រកាសជាកីឡាករ Real Madrid នៅថ្ងៃអង្គារ៍ សប្ដាហ៍ក្រោយនេះ។ មុនពេលចេញមកអេស្ប៉ាញ កីឡាករវ័យក្មេងរូបនេះ ក៏ទទួលបានការទូន្មានពីវីរបុរសបាល់ទាត់របស់ខ្លួន Pele ផងដែរ។ ក្នុងនោះ Pele បានជូនពររូបគេឱ្យជោគជ័យលើវិថីបាល់ទាត់នៅអឺរ៉ុប។ អ្វីដែលត្រូវធ្វើបំផុតនោះ គឺប្រឹងប្រែងហ្វឹកហាត់ឱ្យខ្លាំង និងត្រូវផ្ដោតលើការស្វែងរកគ្រាប់បាល់ឱ្យបានច្រើន។កីឡាកររបស់ក្លឹប Santos នេះ នឹងត្រូវប្រជែងជាមួយរៀមច្បងច្រើនទៀត ក្នុងការស្វែងរកជម្រើស១១នាក់ដំបូងនៅក្លឹប Real Madrid ។ ជាពិសេសគឺកីឡាករចំណូលថ្មីដូចគ្នា Luka Jovic និង Eden Hazard ។ ការបង្ហាញខ្លួននឹងធ្វើឡើងនៅថ្ងៃអង្គារ ខណៈដែល Mendy វិញនឹងធ្វើឡើងនៅថ្ងៃពុធ៕
ប្រភព៖ Marca