ក្រុមបាល់ទាត់ជម្រើសជាតិអាហ្សង់ទីន បើកឆាកពានរង្វាន់ Copa America មិនបានល្អឡើយ ដោយចាញ់ក្រុមកូឡុំប៊ី ២-០ បាត់៣ពិន្ទុទៅហើយ។អាហ្សង់ទីន ដែលវាយសម្រុកតាំងពីបើកឆាកមកនោះ មិនទទួលបានផលឡើយ។ ជាក់ស្ដែង កូឡុំប៊ីឯណោះទេ ដែលជាអ្នកស្វែងរកគ្រាប់បាល់បានទៅវិញ។ ២គ្រាប់របស់កូឡុំប៊ី កើតឡើងនៅនាទី ៧១ និង ៨៦ នៃតង់ទី២ ដោយកីឡាករ Roger Martinez និង Duvan Zapata។ ខណៈដែល Messi បានលេងពេញ៩០នាទីតែម្ដងប្រកួតនេះ ប៉ុន្តែមិនអាចធ្វើអ្វីបានឡើយ។ក្រុមអាហ្សង់ទីន ស្ថិតនៅពូល B ជាមួយក្រុមប៉ារ៉ាហ្គាយ កូឡុំបី និងកាតា។ ពួកគេនៅសល់២ប្រកួតក្នុងដៃទៀតដែលត្រូវការឈ្នះដាច់ខាត ដោយប៉ះក្រុមប៉ារ៉ាហ្គាយ មុនពេលប៉ះកាតា៕
ប្រភព៖ DailyMail