បឹងកេត បន្តកុងត្រាឲ្យយុវជនបួនរូបរបស់ខ្លួនបន្ថែមទៀតរហូតដល់ដាច់ឆ្នាំ ២០២០

ក្នុងថ្ងៃទី ១៦ ខែ មិថុនា នេះ ក្លិបបឹងកេត បានធ្វើការប្រកាសជូនអំពីការ​បន្ដ​​កិច្ច​សន្យា​ជា​មួយ​កីឡាករ​យុវជនរបស់​យើង​​ចំនួន​៤រូប​​​​ដែល​កិច្ច​ព្រម​ព្រៀង​នេះ​មាន​សុពល​ភាព​រហូត​ដល់​បំណាច់​ឆ្នាំ​២០២០។

​យុវជន​ទាំង​៤​រូប​​រួម​មាន ជា វេស្លី, ឃុន សេង​ថៃ, ឱ ភារុន និង អ៊ុយ វុត្ថា សុទ្ធ​តែ​ជា​កីឡាករ​យុវជន​ថ្នាល​របស់​ក្លិប​​ដែល​បាន​ចូល​រួម​ហ្វឹក​ហាត់​ជាមួយ​ក្លិប​អស់​រយៈ​ពេល​ច្រើន​ឆ្នាំ​កន្លង​មក​ហើយ​ពួក​គេ​ត្រូវ​បាន​​ដំឡើង​មក​កាន់​ឈុត​ធំ​ចាប់​តាំង​ពី​ឆ្នាំ​២០១៦មក​ម្លេះ។

សូមបញ្ជាក់ផងដែរថាគិតត្រឹមពេលនេះ បឹងកេត​ បានបន្តកុងត្រាឲ្យកីឡាកររបស់ខ្លួនសរុប ៧រូបហើយ ដែលមានដូចជា សេត រ៉ស៊ីប,ម៉ាត់​ យ៉ាមីុន និង ហុង ផេង រួមទាំងកីឡាករ៤រូបខាងលើ ខណៈដែលកីឡាករទាំងនេះ សុទ្ធតែបន្តកុងត្រារហូតដល់ដាច់ឆ្នាំ ២០២០ ៕

ភ្ជាប់ទំនាក់ទំនងជាមួយ CTS SPORT