ខ្សែបម្រើ Pual Pogba កំពុងជំរុញឱ្យការផ្លាស់ទៅលេងនៅក្លឹប Real Madrid របស់ខ្លួន កាន់តែឆាប់កើតមានឡើង ក្រោយពីរូបគេលែងចង់នៅ Man Utd ទៀតហើយ។
ក្រុម Real Madrid ចង់បាន Pogba ដែរ ប៉ុន្តែតម្លៃខ្លួនខ្ពស់ពេកទើបក្រុមរបស់លោក Zidane ហាក់ស្ទាក់ស្ទើរខ្លាំង។ ស្របពេលពួកគេរដូវកាលនេះ បានចំណាយអស់ជាង៣០០លានផោនទៅហើយ ក្នុងការទិញយកកីឡាករល្អៗ មកពង្រឹងក្រុម។ ដូច្នេះហើយ ការទិញកីឡាករថ្លៃទៀតបាន លុះត្រាតែពួកគេបញ្ចេញកីឡាករខ្លះវិញផងដែរ។
ទន្ទឹមនឹងរឿងនេះ Pogba ផ្ទាល់ក៏កំពុងជួយជំរុញឱ្យការផ្ទេរកើតឡើងផងដែរ។ រូបគេលែងចង់បន្ដលេងនៅ Old Trafford ទៀតហើយ ដោយចង់ទៅធ្វើការក្រោមការដឹកនាំរបស់លោក Zidane វិញ។ Man Utd បានដាក់តម្លៃរូបគេដល់១៥០លានផោនឯណោះ ដែលតម្លៃនេះគឺមិនចង់លក់កីឡាករចេញតែម្ដង៕ប្រភព៖ Dailymail