យោងតាមរបាយការណ៍ពី Sky Italia បានចុះផ្សាយថាក្លឹបយក្សJuventus បានព្រមព្រៀងរួចជាស្រេចហើយជាមួយអ្នកចាត់ការលោក Maurizio Sarri ក្នុងការចូលមកជួសតំណែងលោក Massimiliano Allegri ដែលបានចាកចេញកាលពីបិទរដូវកាល ២០១៨/១៩។
Sarri នឹងក្លាយជាបេក្ខភាពគ្រូបង្វឹកថ្មីនៅសេះបង្កង់ បន្ទាប់ពីបានជួយដឹកនាំ Chelsea ឲ្យឈ្នះ Europa Leauge និងមានកៅអី Top 4 នៅក្របខ័ណ្ឌ Premier League។
យ៉ាងណាមិញសម្រាប់អ្នកចាត់ការថ្មីរបស់ Chelsea នោះគឺជើងចាស់ Frank Lampard ដែលកំពុងដឹកនាំនៅ Derby ត្រូវបានគេរាយការណ៍ថានឹងផ្លាស់មកដឹកនាំនៅដីចាស់ Stamford Bridge ក្រោយខ្លួនធ្លាប់ជាកីឡាករចាស់វស្សានៅតោខៀវអស់រយៈពេលជាច្រើនឆ្នាំដែរនោះ។ ប្រភព៖ AF