ក្លឹប Real Madrid បានធ្វើពិធីបង្ហាញខ្លួនកីឡាករ Eden Hazard កាលពីយប់មិញនេះហើយ ដោយមានអ្នកចូលរួមអបអរប្រមាណ៥ម៉ឺននាក់ឯណោះ។
ក្នុងឱកាសអបអរកីឡាករថ្មីនេះដែរ មានអ្នកគាំទ្រមួយចំនួនបានស្រែកទាមទារឱ្យលោក Perez ដែលជាប្រធានក្រុម Real Madrid ទិញយក Mbappe ម្នាក់ទៀតមករួមក្រុមនារដូវកាលនេះ។ កីឡាករវ័យក្មេងរបស់ PSG រូបនេះ ក៏ក្រុមអធិរាជសចង់បានដែរ ប៉ុន្តែពិបាកបន្តិច ត្បិតអីរូបគេមានតម្លៃខ្លួនខ្ពស់ និងក្រុម PSG ផ្ទាល់ក៏មិនព្រមលក់ចេញដែរ។
ទន្ទឹមគ្នានេះដែរ Mbappe ក៏ធ្លាប់និយាយដែរថាខ្លួនមិនទាន់មានចិត្តចង់ចាកចេញទៅណាទេ។ ហើយពេលនេះក៏មិនមែនជាពេលដែលត្រូវនិយាយពីក្រុម Real Madrid ដែរ៕ប្រភព៖ Dailymail
