ខ្សែបម្រើ Eden Hazard ត្រូវបានក្រុម Real Madrid បង្ហាញខ្លួនជាផ្លូវការហើយកាលពីយប់មិញនេះ ដែលមានអ្នកគាំទ្រ៥ម៉ឺននាក់ចូលរួមទស្សនា។
Hazard ផ្ទេរពីក្រុម Chelsea មកនេះ ក្នុងតម្លៃសរុបទាំងអស់១៥០លានផោន ហើយជាប់ឈ្មោះជាកីឡាករថ្លៃជាងគេបំផុតក្នុងក្លឹបអធិរាជស។ ក្នុងឱកាសបង្ហាញខ្លួន Hazard បានបញ្ជាក់ថារូបគេមកក្រុម Real Madrid នេះដើម្បីពង្រឹងសមត្ថភាពបន្ថែម និងឈ្នះពានរង្វាន់កីឡាករល្អបំផុតនៅលើលោកនេះ។ វាជាក្ដីស្រមៃមួយដែលក្លាយជាការពិតក្នុងការដែលបានមកលេងនៅអេស្ប៉ាញនេះ។
កីឡាករបែលហ្សិកខាងលើក៏បង្ហើបដែរថា ការចរចាផ្ទេរនេះកើតមានឡើងតាំងពីចប់ World Cup 2018 មកម្ល៉េះ ប៉ុន្តែមិនទាន់ត្រូវគ្នា ដោយត្រូវរង់ចាំដល់១ឆ្នាំមកនេះ ទើបអាចសម្រេចការផ្ទេរបាន៕ប្រភព៖ Dailymail
