ក្រុម Manchester United ចូលរួមប្រជែងជាមួយក្រុម FC Barcelona ទិញយកខ្សែប្រយុទ្ធ Antoine Griezmann ដែរហើយ ក្នុងតម្លៃខ្លួន៩៥លានផោន។
កីឡាករបារាំងនេះ មានទំនាក់ទំនងខ្លាំងក្នុងការផ្ទេរទៅលេងនៅក្រុម Barcelona តែទោះជាយ៉ាងនេះក្ដី ក្រុម Man Utd ក៏ចេញមុខមកប្រជែងយករូបគេផងដែរ។ បើតាមប្រភពបញ្ជាក់ថាក្រុមបិសាចក្រហម ដាក់តម្លៃ៩៥លានផោន នាំយក Griezmann មកលេងនៅ Old Trafford ។ ដោយឡែកសម្រាប់ក្រុម Barcelona វិញ ហាក់មិនប្រញាប់ក្នុងការចុះកុងត្រាយកឡើយ ត្បិតអីពួកគេមានភាគរយខ្ពស់ស្រាប់ថានឹងយកបានខ្សែប្រយុទ្ធរូបនេះ។
កាលពីដើមខែកន្លងទៅ Griezmann ក៏បាននិយាយប្រាប់អ្នកកាសែតដែរថា៖ “ខ្ញុំមិនដឹងថាខ្ញុំនឹងបន្ដលេងនៅក្របខណ្ឌ La Liga ទៀតឬយ៉ាងណាទេ។ ខ្ញុំដឹងថាកន្លែងណាខ្ញុំចង់ទៅលេង។ ខ្ញុំក៏ចង់ឱ្យមានការផ្ទេរមួយកើតឡើងឆាប់ៗនេះដែរ”៕ប្រភព៖ Dailymail