លោក Sarri បានយល់ព្រមទៅដឹកនាំក្រុម Juventus ហើយ ដោយទទួលបានតម្លៃពលកម្ម៧លានផោនក្នុង១ឆ្នាំ ហើយអ្នកជំនួសលោកនៅ Chelsea គឺ Lampard ។
ភ្នាក់ងាររបស់លោក Sarri បានមកជួបផ្ទាល់ជាមួយក្រុមការងាររបស់ក្លឹប Chelsea ដើម្បីចរចាគ្នាឱ្យបុរសអ៊ីតាលីនេះអាចចេញពីអង់គ្លេសទៅអ៊ីតាលីវិញបាន។ ក្រោយពីពិភាក្សាគ្នាកាលពីម្សិលមិញ ជាលទ្ធផលគឺលោក Sarri អាចចាកចេញពី Chelsea បានហើយ ដើម្បីទៅដឹកនាំក្រុម Juventus ។
ការចាកចេញរបស់លោក Sarri នេះ ក្រុមតោខៀវកំពុងទាក់ទងអតីតកីឡាករខ្លួន Frank Lampard មកដឹកនាំក្រុមវិញ ក្រោយពីលោកធ្វើការងារជាអ្នកចាត់ការនេះបានល្អ គ្រាដឹកនាំក្រុម Derby County ៕ប្រភព៖ Dailymail