Eden Hazard បានបង្ហាញខ្លួនក្រោមក្រសែភ្នែកអ្នកគាំទ្រនៅឯកីឡដ្ឋានប្រមាណ ៥០ ០០០ នាក់កាលពីប៉ុន្មានម៉ោងមុននេះ ដោយរូបលោកហាក់សប្បាយរីករាយនិងមោទនភាពជាខ្លាំងសម្រាប់ការផ្លាស់មកចូលរួមនៅទឹកដី Santiago Bernabeu។
ជជែកដល់រឿងអ្នកស៊ុតបាល់ពិន័យ ១១ ម៉ែត្រឬបាល់ប៉េណាល់ទី អតីតខ្សែប្រយុទ្ធនៅ Chelsea រូបនេះ បានឯកភាពដោយព្រមបន្តប្រគល់ឲ្យទៅ Sergio Ramos ដែលជាប្រធានក្រុមជាអ្នកស៊ុតតទៅទៀត។
ថ្លែងក្នុងការបង្ហាញខ្លួននាថ្ងៃព្រហស្បតិ៍ Hazard ប្រាប់ថា៖ “ខ្ញុំគិតថាប្រធានក្រុម [Ramos] គាត់ធ្វើបានល្អខ្លាំងសម្រាប់ការស៊ុតប៉េណាល់ទី”។
ខ្សែប្រយុទ្ធរូបនេះបន្ត៖ “ខ្ញុំមិនគិតថានឹងសុំគាត់ឲ្យផ្តល់មកខ្ញុំអ្វីនោះទេ ផ្ទុយទៅវិញខ្ញុំគិតថា Ramos គួរបន្តស៊ុតបាល់ប៉េណាល់ទីហើយអាចរកគ្រាប់បាល់បន្ថែមទៀតដោយគ្មានការសង្ស័យអ្វីទាំងអស់”។ ប្រភព: FoxSportAsia
