ក្រុមបិសាចក្រហម Manchester United បានបដិសេធក្នុងការយកខ្សែប្រយុទ្ធ Gareth Bale ពីក្រុម Real Madrid បើទោះជាក្នុងលក្ខខណ្ឌខ្ចីជើងក៏ដោយ។
ក្រុម Man Utd បានប្រកាសកាលពីយប់មិញថាពួកគេទិញបានកីឡាករម្នាក់ពី Swansea ហើយ គឺ Daniel James ក្នុងតម្លៃ១៧លានផោន។ ក្នុងនោះដែរ បិសាចក្រហមក៏បានច្រានចោលដំណឹងថាពួកគេចង់បាន Bale ពីក្រុម Real Madrid ផងដែរ។ លោក Ole អ្នកចាត់ការក្រុមបានបញ្ជាក់ថាលោកនឹងទិញចូលកីឡាករក្មេងៗ ដើម្បីកសាងក្រុមឡើងវិញ។
ដូច្នេះមានន័យថាអ្វីដែលក្រុម Real Madrid ចង់បញ្ចេញ Bale មកឱ្យ Man Utd នោះគឺមិនអាចទទួលបានឡើយ បើទោះជាស្ថិតិក្នុងលក្ខខណ្ឌខ្ចីជើងក៏ដោយ៕ប្រភព៖ Dailymail