ក្លឹប Lyon បានព្រមព្រៀងក្នុងការផ្ទេរចេញខ្សែការពារ Ferland Mendy ឲ្យទៅក្លឹប Real Madrid ជាផ្លូវការហើយ ជាមួយនឹងតម្លៃខ្លួនប្រមាណ ៤៨ លានអឺរ៉ូ។
ក្លឹបបារាំងបានបញ្ជាក់ពីកិច្ចចុះហត្ថលេខាថ្មីមួយនេះ ដោយយុវជនវ័យ ២៤ ឆ្នាំព្រមព្រៀងលើកុងត្រារយៈពេល ៦ ឆ្នាំ ហើយត្រៀមបង្ហាញខ្លួននៅកីឡដ្ឋាន Santiago Bernabeu នាថ្ងៃទី ១៩ មិថុនា។
នេះជាកីឡាករទី ៣ ហើយដែលលោក Perez បានផ្គាប់ចិត្តលោក Zinedine Zidane ដោយ ២ រូបកន្លងមកមានដូចជា Luka Jovic និង Eden Hazard។
Zidane ទំនងជាយក Mendy មកជួសតំណែងរបស់ Marcelo ហើយក៏នឹងធ្វើឲ្យក្លឹប Real Madrid មានសង្ឃឹមក្រោកឈរឡើងវិញ ជាការប្រជែងជាមួយក្លឹបយក្ស FC Barcelona ក៏ដូចជាបណ្តាក្លឹបនៅអឺរ៉ុបក្រោយរដូវកាលចាស់ហាក់ធ្វើមិនសូវបានល្អ ប្រភព៖ AF