ទន្ទឹមពេលដែលក្លឹប Chelsea កំពុងរងចចាមអារ៉ាមពីការត្រៀមដកចេញនូវបេក្ខភាពគ្រូបង្វឹកលោក Maurizio Sarri ក្រឡេកទៅមើលអតីតកីឡាករលោក Rio Ferdinand បានសម្លឹងឃើញថាជើងចាស់ Frank Lampard គឺសក្តិសមបំផុតក្នុងការមកកាន់តំណែងថ្មីនារដូវកាលក្រោយ។
ប្រាប់សារព័ត៌មានកាលពីពេលថ្មីៗនេះ Ferdinand បានប្រដូច Lampard ទៅនឹងគ្រាដែល Pep ចូលដឹកនាំ Barcelona ជាលើកដំបូង។ លោកនិយាយថា៖ “Lampard ជាជម្រើសល្អបំផុត ដោយយើងមើលទៅ Pep កាលដឹកនាំឈុតធំនៅ Barca គឺគាត់បណ្តុះយុវជននៅក្នុងក្លឹប ហើយ Frank ក៏ដឹងច្បាស់ពីក្លឹបនិងស្គាល់កីឡាករនៅទីនោះ បែបនេះកីឡាករប្រាកដជាគោរពដល់គាត់”។
អតីតកីឡាករ Man City បន្ត៖ “កន្លងទៅគាត់ក៏ធ្លាប់ផ្លាស់ប្តូរឲ្យក្លឹបមួយទទួលបានជោគជ័យត្រឹមរយៈពេលមួយរដូវកាល បែបនេះប្រសិន Chelsea ជាប់បម្រាមការដោះដូរ នោះខ្ញុំគិតថា Frank ក៏ដូចជាជំនួយការលោក Jody ដែលពួកគេស្គាល់យុវជនច្បាស់ ហើយដឹងថាពួកគេត្រូវធ្វើបែបណា”។
រំឭកថា Lampard បានឈ្នះពានរង្វាន់ Premier League ៣ សម័យកាល, Champions League, FA Cup និងពានរង្វាន់តូចៗជាច្រើនទៀតគ្រាលេងឲ្យក្លឹប Chelsea។ ប្រភព៖ Sportskeeda
