យោងតាមទស្សនាវដ្តី Forbes បានចេញផ្សាយនូវបញ្ជីឈ្មោះអត្តពលិកដែលទទួលបានចំណូលខ្ពស់បំផុតក្នុងលោក ដោយ Lionel Messi ឈរនៅចំណាត់ថ្នាក់ទី ១ ពោលគឺតំណែង Top 3 សុទ្ធសឹងធ្លាក់លើកីឡាករបាល់ទាត់។
តារាឆ្នើមនៃក្លឹប Barca, Juventus និង PSG ឈរនៅតំណែងកំពូល តាមពីក្រោយដោយអត្តពលិក Canelo Alvarez (ផ្នែកប្រដាល់), Roger Federer (ផ្នែកវាយកូនបាល់), Russell Wilson (ផ្នែកបាល់ឱបអាមេរិក), Aaron Rodgers (ផ្នែកបាល់ឱបអាមេរិក), LeBron James (ផ្នែកបាល់បោះ), Stephen Curry (ផ្នែកបាល់បោះ) និង Kevin Durant (ផ្នែកបាល់បោះ)។
ក្នុងនោះប្រាក់ដែលទទួលបានសរុបបូកទាំងថ្លៃពលកម្មនិងថ្លៃពីម្ចាស់ឧបត្ថម្ភ ដោយ Messi បាន ១២៧ លានដុល្លារ/ឆ្នាំ ខណៈ Ronaldo បាន ១០៩ លានដុល្លារ និង Neymar បាន ១០៥ លានដុល្លារ។ ចំណុចនេះ CR7 មានប្រាក់ពលកម្មទាប ប៉ុន្តែប្រាក់ពីម្ចាស់ឧបត្ថម្ភខ្ពស់ដាច់គេដល់ទៅ ៤៤ លានដុល្លារ។ ប្រភព៖ BeSoccer