ក្រុម Real Madrid កំពុងពិចារណានាំយកខ្សែបម្រើម្នាក់មករួមក្រុមទៀតនារដូវក្ដៅនេះ ដោយពួកគេមានជម្រើស២គឺ Eriksen របស់ Spurs និង Pogba របស់ Man Utd ។
ក្រុមយក្សអេស្ប៉ាញខាងលើ បាននាំយកកីឡាករ២នាក់មកហើយ នាពេលថ្មីៗនេះ គឺ Luka Jovic និង Eden Hazard ។ ខណៈដែលក្រុមរបស់លោក Zidane ចង់បានខ្សែបម្រើម្នាក់ទៀតមកពង្រឹងក្រុម។ ក្នុងនោះពួកគេមានជម្រើស២ រវាងកីឡាករ Eriksen និង Pogba ដែលសុទ្ធតែអាចទិញយកបាន។ សម្រាប់តម្លៃវិញ ក្រុម Real Madrid បានត្រៀមបញ្ចប់ទឹកប្រាក់១០០លានផោន សម្រាប់កីឡាករទាំងពីរនេះ។
Eriksen បានប្រកាសចាកចេញពី Spurs ហើយ ដើម្បីស្វែងរកក្លឹបថ្មី ស្របពេលខាង Pogba វិញ ក៏ចង់ចាកចេញពី Man Utd ដូចគ្នា។ Pogba មានក្លឹប១ទៀត កំពុងប្រជែងជាមួយ Real Madrid ដែរ គឺក្រុម Juventus ៕