Phil Neville គ្រូបង្វឹកក្រុមបាល់ទាត់នារីអង់គ្លេស បានបញ្ជាក់ថាក្រុមខ្លួន គ្មានខ្លាចក្រុមណាទាំងអស់ក្នុងការប្រកួតពានរង្វាន់ Women World Cup 2019 នេះ។
បើកឆាកការប្រកួតក្រុមនារីអង់គ្លេសបានយកឈ្នះលើក្រុមស្កុតឡែនក្នុងលទ្ធផល ២-១ ទទួលបាន៣ពិន្ទុក្នុងពូល D ។ ការធ្វើបានល្អសម្រាប់ការចាប់ផ្ដើមនេះដែរ បានធ្វើឱ្យលោក Phil Neville គ្រូបង្វឹកក្រុមអង់គ្លេសសប្បាយចិត្ត និងមានទំនុកចិត្តថាកូនក្រុមរបស់ខ្លួនមានសមត្ថភាពគ្រប់គ្រាន់សម្រាប់ប្រជែងជាមួយក្រុមដទៃទៀតនាព្រឹត្តិការណ៍ World Cup នារី ធ្វើឡើងនៅបារាំងនេះ។
បុរសវ័យ៤២ឆ្នាំខាងលើនិយាយដូច្នេះថា៖ “នៅផ្លូវវែងឆ្ងាយក្នុងការនិយាយពីពានរង្វាន់។ ប៉ុន្តែក្រុមយើងមិនខ្លាចក្រុមណាឡើយ យើងនឹងប្រឹងប្រែងឱ្យអស់ពីសមត្ថភាព។ យើងមិនត្រូវខ្លាច មិនភ័យក្នុងពេលប៉ះក្រុមណាមួយឡើយ”៕ប្រភព៖ Dailymail