ខ្សែប្រយុទ្ធ Cristiano Ronaldo បានបញ្ជាក់ថាការឈ្នះពានរង្វាន់ UEFA Nations League នៅយប់មិញនេះ ពិតជាមានសារសំខាន់ខ្លាំងណាស់។
នៅវគ្គផ្ដាច់ព្រ័ត្រ Ronaldo មិនអាចរកគ្រាប់បាល់បានឡើយ ប៉ុន្តែមិត្តរួមក្រុមរបស់គេ Goncalo Guedes ឯណោះទេ ជាអ្នកទម្លាយសំណាញ់ទីបានសម្រេចលើក្រុមហុល្លង់។ ១គ្រាប់នៅនាទី៦០នេះហើយ ក៏ជាគ្រាប់នាំឱ្យក្រុមព័រទុយហ្គាល់លើកពានផងដែរ។
ក្រោយពីចប់ការប្រកួតនេះទៅ Ronaldo បាននិយាយថា៖ “ខ្ញុំសប្បាយចិត្ត វាជាពានរង្វាន់សំខាន់សម្រាប់ព័រទុយហ្គាល់និងសម្រាប់ជម្រើសជាតិរបស់យើង”។ ឈ្នះបាន UEFA Nations League នេះ១ទៀត គឺមានន័យថាក្រុមជម្រើសជាតិព័រទុយហ្គាល់ឈ្នះបានពាន២ហើយក្នុងរយៈពេល៣ឆ្នាំមកនេះ។ ខណៈដែលឆ្នាំ២០១៦កន្លងទៅ ពួកគេជាម្ចាស់ជើងឯកពានរង្វាន់ Euro ផងដែរ៕ប្រភព៖ Dailymail