ក្រុមព័រទុយហ្គាល់ នឹងប៉ះហុល្លង់ វេលាម៉ោង១:៤៥នាទីរំលងអាធ្រាត្រនេះ ក្នុងការប្រកួតវគ្គផ្ដាច់ព្រ័ត្រពានរង្វាន់ UEFA Nations League ។មុនការប្រកួតនេះចាប់ផ្ដើមក្រុមការងារយើងនឹងលើកយកចំណុចត្រូវដឹងមួយចំនួនសម្រាប់ឱ្យប្រិយមិត្តស្វែងយល់ទាំងអស់គ្នា៖
កីឡាកររបួសសម្រាប់ក្រុមហុងល្លង់មិនមានកីឡាករណាម្នាក់របួសឡើយ។ ដោយឡែកខាងព័រទុយហ្គាល់វិញ Pepe មិនអាចចូលលេងបានឡើយ ដោយសារមានរបួសស្មា។ សម្រាប់ Cancelo វិញ មានបញ្ហាច្រមុះដែរ ប៉ុន្តែមិនច្បាស់ថាលេងបានឬអត់ឡើយ។
ជម្រើស១១នាក់ដំបូង
ខាងព័រទុយហ្គាល់អាចជា៖ Patrício; Semedo, Fonte, Dias, Guerrero; William, Danilo, Fernandes, Bernardo; Guedes, Ronaldo ។
ខាងហុល្លង់អាចជា៖ Cillessen; Dumfries, De Ligt, Van Dijk, Blind; De Roon, F de Jong, Wijnaldum; Promes, Depay, Babel ។
សម្ដីគ្រូបង្វឹក
លោក Fernando Santos គ្រូបង្វឹកក្រុមព័រទុយហ្គាល់បាននិយាយថា៖ ហុល្លង់បានពង្រឹងខ្លួនយ៉ាងល្អមួយរយៈមកនេះ។ ក្រុម Ajax បានឡើងដល់វគ្គពាក់កណ្ដាលផ្ដាច់ព្រ័ត្រ ដែលកីឡាករហុល្លង់ក្នុងក្រុមភាគច្រើនបានជាប់ជម្រើសជាតិ។ ខណៈដែលក្នុងសមាជិកក្រុមនេះក៏មានអ្នកឈ្នះ Champions League ថែមទៀត។ នេះជាកម្លាំងចិត្តធំមួយសម្រាប់ពួកគេក្នុងការប្រកួតយប់នេះ។លោក Ronald Koeman គ្រូបង្វឹកហុល្លង់បាននិយាយដែរថា៖ បើនិយាយក្នុងពូល យើងនៅជាមួយបារាំងនិងអាល្លឺម៉ង់ ហើយគ្មាននរណាថាយើងអាចឡើងវគ្គបន្ដបានទេ។ ពេលនេះយើងឡើងមកដល់វគ្គផ្ដាច់ព្រ័ត្រ វាជាមោទនភាពដែលដល់វគ្គនេះ មិនមែនសម្ពាធឡើយ។ យើងឈ្នះបារាំង អាល្លឺម៉ង់ និងអង់គ្លេស ហើយយើងក៏អាចឈ្នះព័រទុយហ្គាល់បានដែរ៕
ប្រភព៖ UEFA