កោះ ខារ៉ាកៅ បានលើកពានរង្វាន់ King Cup នៅប្រទេសថៃហើយ ក្រោយពីយកឈ្នះលើក្រុមវៀតណាម ក្នុងលទ្ធផល ប៉េណាល់ទី ៥-៤ ក្រោយស្មើគ្នា ១-១ នៅម៉ោងប្រកួត។ប្រទេសដែលជាដែនកោះនៅសមុទ្រ ខារ៉ាបៀននេះ ធ្វើបានយ៉ាងល្អ ដោយវគ្គដំបូងយកឈ្នះឥណ្ឌា និងបន្ដឈ្នះវៀតណាមទៀតដោយបាល់ប៉េណាល់ទីនេះ។ ខារ៉ាកៅ ធ្វើបានយ៉ាងល្អសម្រាប់ការប្រកួតនេះ ដោយអាចរកគ្រាប់បាល់នាំមុខមុននៅនាទី៥៨ ដោយ Carolina ។ យ៉ាងណាមិញ វៀតណាមដែលព្យាយាមសម្រុកវិញនោះ ក៏ធ្វើបានសម្រេច១គ្រាប់ដែរនៅនាទី៨៣ ធ្វើឱ្យការប្រកួតស្មើគ្នា ១-១ នៅម៉ោងប្រកួត។គួរឱ្យសោកស្ដាយសម្រាប់វៀតណាម នៅវគ្គប៉េណាល់ទីកាត់សេចក្ដីពួកគេធ្វើមិនបានល្អឡើយ ដោយចាញ់ខារ៉ាកៅ ក្នុងលទ្ធផល ៥-៤។ សម្រាប់ការប្រកួតដណ្ដើមលេខ៣វិញ ក្រុមម្ចាស់ផ្ទះថៃ បានចាញ់ក្រុមឥណ្ឌា ១-០ ផងដែរ៕
ប្រភព៖ Foxsportsasia