ក្រុម Manchester City និង Manchester United ប្រជែងគ្នាយកខ្សែការពារ Harry Maguire ពីក្រុម Leicester City ហើយបច្ចុប្បន្នតម្លៃខ្លួនឡើងដល់៨០លានផោនហើយ។ក្លឹបនៅក្រុង Manchester ទាំងពីរ កំពុងស្វែងរកខ្សែការពារល្អមកពង្រឹងក្រុមដូចគ្នានៅរដូវកាលថ្មីខាងមុខនេះ។ ខណៈដែល Maguire គឺជាកីឡាករម្នាក់ដែលពួកគេមើលឃើញថាល្អ និងអាចជួយក្រុមបានច្រើន ទើបប្រជែងគ្នាតាមទិញដូច្នេះ។ ក្រុម Leicester City បានតំឡើងតម្លៃរបស់កីឡាករវ័យ២៦ឆ្នាំនេះរហូតដល់៨០លានផោនទៅហើយ ក្រោយពីមានក្លឹបច្រើនចង់បាន។
ប្រភពស្និទ្ធនឹងកីឡាករជម្រើសជាតិអង់គ្លេសខាងលើបានបញ្ជាក់ដែរថា Maguire ក៏មានចិត្តចង់ចាកចេញដើម្បីចូលរួមក្រុមថ្មី មានការប្រកួតប្រជែងថ្មីដែរ។ ប៉ុន្តែតម្លៃដល់៨០លានផោននេះ អាចនឹងធ្វើឱ្យក្លឹបដទៃពិបាកក្នុងការយកណាស់ ហើយសាមីខ្លួនក៏បារម្ភខ្លាចគ្មានក្លឹបហានដល់នេះដែរ។ក្រុម Man City ដែលប្រកាសចង់បានកីឡាករខាងលើជាយូរមកហើយនោះ ហានឱ្យត្រឹមតែ៦០លានផោនប៉ុណ្ណោះ។ ពួកគេចង់បាន Maguire ទៅដើម្បីជំនួសតំណែងរបស់ Kompany ដែលបានចាកចេញពីក្រុមនារដូវក្ដៅនេះ៕
ប្រភព៖DailyMail