ក្រុម Real Madrid កំពុងចរចាយកខ្សែបម្រើ Pual Pogba ម្នាក់ទៀតមកជួយក្រុម ដោយតម្លៃខ្លួនរបស់គេនៅ Manchester United អាចនឹង១៥០លានផោន។ក្រុមអធិរាជស ក្រោយពីទិញបាន Jovic និង Hazard ហើយ ពេលនេះពួកគេកំពុងប្រមាញ់យកខ្សែបម្រើ Pogba ម្នាក់ទៀត។ កីឡាករបារាំងរូបនេះ ក៏ជាគោលដៅធំសម្រាប់លោក Zidane ដើម្បីទិញយកមកពង្រឹងក្រុមឡើងវិញផងដែរ។ ភ្នាក់ងារទីផ្សាររបស់ក្រុម Real Madrid បានទៅជួបជាមួយខាងក្រុម Man Utd រួចហើយ ខណៈដែលតម្លៃដំបូងមិនទាន់តថ្លៃគឺ១៥០លានផោនឯណោះ។
ដោយឡែកសម្រាប់សាមីខ្លួន Pogba វិញ ក៏មានចិត្តចង់ចាកចេញពី Old Trafford ដែរ ត្បិតអីរូបគេបានសុំក្លឹបចាកចេញជាច្រើនលើកមកហើយ។ លោក Zidane ដែលជាជនជាតិបារាំងស្រាប់នោះ គឺជាកត្តាធំដែលនឹងអាចយកអតីតកីឡាករ Juventus ម្នាក់នេះបាន៕
ប្រភព៖DailyMail