• សប្បាយ​មើល! World Cup ​ថ្ងៃ​នេះ ​មាន​៤​គូ ​លេង​តាំង​ពី​ម៉ោង​៥​ល្ងាច​ទៅ

    ព្រឹត្តិការណ៍ FIFA World Cup 2018 ​បាន​ឈាន​ចូល​មក​ដល់​ថ្ងៃ​ទី​៣ ​ហើយ ​ដោយ​ថ្ងៃ​នេះ​មាន​៤​គូ​លេង ​ចាប់​ពី​ម៉ោង​៥​ល្ងាច ​ម៉ោង​នៅ​កម្ពុជា​ត​ទៅ។

    គូ​បើក​ឆាក​តាំង​ពី​ក្បាល​ល្ងាច​នេះ​គឺ ​បារាំង តតាំង​ជាមួយ​អូស្ត្រាលី។ បារាំង​ត្រូវ​បាន​គេ​គិត​ថា​ជា​ក្រុម​មួយ​ដែល​មាន​ភាគរយ​ខ្ពស់​ក្នុង​ការ​យក​ឈ្នះ​អូស្ដ្រាលី​នា​ល្ងាច​នេះ។ ពួកគេ​មាន​កីឡាករ​ល្អ​ៗ​ច្រើន​ជាង​អូស្ត្រាលី ​ដែល​សុទ្ធ​សឹង​លេង​នៅ​តំបន់​អឺរ៉ុប។ យ៉ាងណាមិញ លទ្ធផល​នៅ​មិន​ទាន់​ដឹង​ទេ រង់ចាំ​មើល​ការ​ប្រកួត​ជាក់​ស្ដែង​សិន។

    គូ​បន្ទាប់​គឺ ​អាហ្សង់ទីន ​ប៉ះ​ជាមួយ​អ៊ីស្លង់​ម៉ោង​៨​យប់​។ អីស្លង់​មិន​មែន​ជា​ក្រុម​អាច​មើល​ស្រាល​បាន​នោះ​ទេ ​ត្បិត​អី​ពួកគេ​ធ្លាប់​យក​ឈ្នះ​ទាំង​អង់គ្លេស​ថែម​ទៀត​ផង។ យ៉ាងណាមិញ ​បើ​អាហ្សង់ទីន​វិញ ​មិន​បាច់​និយាយ​អ្វី​ច្រើន ​ក្រុម​ខ្លាំង​នៅ​អាមេរិក​ឡាទីន​នេះ ​ពោរពេញ​ដោយ​កីឡាករ​កំពូល​ៗ ទៅ​ហើយ។ ខ្សែ ប្រយុទ្ធ Lionel Messi ​ជា​តួ​អង្គ​សំខាន់​ក្នុង​ការ​ប្រកួត​ល្ងាច​នេះ។

    ដោយ​ឡែក​២​គូ​ទៀត ​គឺ​ប៉េរូ ​ប៉ះ​ជាមួយ​ដាណឺម៉ាក ​លេង​ម៉ោង​១១​យប់ ​និង​គូ​ចុង​ក្រោយ​គឺ​ក្រូអាត​ប៉ះ​ជាមួយ​នីហ្សេរីយ៉ា ​លេង​នៅ​ម៉ោង​២​រំលង​អាធ្រាត្រ៕

    ភ្ជាប់ទំនាក់ទំនងជាមួយ CTS SPORT