ខ្សែការពារ Trent Alexander-Arnold បានបញ្ជាក់ថាខ្លួនចង់នៅក្រុម Liverpool រហូតដល់ចូលនិវត្តន៍តែម្ដង មិនចង់ចាកចេញទៅលេងនៅក្លឹបណាទៀតនោះទេ។
Trent Alexander-Arnold កីឡាករវ័យក្មេងរបស់ក្រុម Liverpool ដែលតែងតែជាប់ជម្រើស១១នាក់ដំបូងជានិច្ច។ ត្រឹមវ័យ២០ឆ្នាំរូបគេបានជាប់ឈ្មោះជាខ្សែការពារល្អ មានក្លឹបជាច្រើនចង់បានទៅលេងឱ្យហើយ ប៉ុន្តែសាមីខ្លួនបញ្ជាក់ថាមិនទាន់ចង់ចាកចេញទៅណាចោលហង្សក្រហមឡើយ។
កីឡាករជម្រើសជាតិអង់គ្លេសរូបនេះបាននិយាយថា៖ “ខ្ញុំចង់នៅ Liverpool រហូតតែម្ដង។ ខ្ញុំកំពុងស្រែកឃ្លានចង់ក្លាយជាកីឡាករល្អជាងគេលើលោក។ ខ្ញុំចង់ពង្រឹងសមត្ថភាពរាល់ថ្ងៃ នៅក្លឹប Liverpool ទើបខ្ញុំមានថ្ងៃនេះ ខ្ញុំចង់បន្ដវារហូតទៅមុខ”៕ប្រភព៖ Dailymail
