ក្លឹបយក្សអ៊ីតាលី Juventus ត្រូវបានគេរាយការណ៍ថាកំពុងបើកការចរចាប្រជែងជាមួយក្លឹបអាល្លឺម៉ង់ Bayern Munich ក្នុងការដណ្តើមយកតារាឆ្នើម Leroy Sane របស់ក្លឹបយក្ស Manchester City។
កន្លងទៅមានការបញ្ជាក់ចំៗពីប្រធានក្លឹប Bayern លោក Uli Hoeness ថាចាប់អារម្មណ៍ចង់បានកីឡាករសញ្ជាតិអាល្លឺម៉ង់ បន្ទាប់ពីរូបគេរកបាន ១៦ គ្រាប់និង Assist ១៨ លើកឲ្យក្រុមរបស់លោក Pep Guardiola កាលពីរដូវកាលមុន។
តាមតម្លៃខ្លួន Sane អាចនឹងថ្លៃប្រហែល ១០០ លានផោន ដែលសល់កុងត្រារយៈ ពេល ២ ឆ្នាំនៅក្លឹប Manchester។ ប្រភពចុងក្រោយពី Calciomercato ក៏សង្កត់ធ្ងន់ថា Juventus ក៏ដុតដៃដុតជើងចង់បានកីឡាករវ័យ ២៣ ឆ្នាំរូបនេះទៅចូលរួមនារដូវកាល ២០១៩/២០ ផងដែរ។ ប្រភព៖ SportsMole
