ខ្សែបម្រើសញ្ជាតិដាណឺម៉ាក Christian Eriksen បានបង្ហើបចំៗពីផែនការណ៍ចែកផ្លូវជាមួយក្លឹបនិងទទូចចង់ឲ្យក្លឹបយក្ស Real Madrid រៀបចំកញ្ចប់ថវិកាចរចាយកខ្លួនទៅលេងនៅទឹកដី Bernabeu។
ក្នុងបទសម្ភាសន៍អំឡុងពេលហ្វឹកហាត់ឲ្យជម្រើសជាតិ កីឡាករ Eriksen និយាយថា៖ “ខ្ញុំមានអារម្មណ៍ថាខ្ញុំចង់សាកល្បងអ្វីដែលថ្មី ហើយបើខ្ញុំចាកចេញ ក៏សង្ឃឹមថាខ្ញុំនឹងមានការពង្រឹងប្រសើរជាងនេះ”។
លោកបន្ត៖ “ដើម្បីឲ្យរឿងនេះកើតឡើងបាន ក្លឹប Madrid ត្រូវតែទំនាក់ទំនងមកកាន់ Spurs ហើយនិយាយថាពួកគេចង់បាន Christian ដោយខ្ញុំសង្ឃឹមថាគ្រប់យ៉ាងនឹងចប់រួចរាល់នៅរដូវក្តៅ នេះហើយជាគម្រោងខ្ញុំ”។
គួរបញ្ជាក់ថាសម្រាប់ជម្រើសរបស់លោក Zinedine Zidane ដែលជាអ្នកចាត់ការរបស់ក្លឹប Real Madrid មានជម្រើស ២ ក្នុងដៃសម្រាប់តំបន់បម្រើ ដោយរួមមាន Christian Eriksen ឬ Paul Pogba។ ប្រភព៖ BeSoccer
