ខ្សែប្រយុទ្ធ Cristiano Ronaldo រកបាន៣គ្រាប់ម្នាក់ឯងជួយក្រុមព័រទុយហ្គាល់ឈ្នះក្រុមស្វីស ៣-១ ឡើងវគ្គផ្ដាច់ព្រ័ត្រពានរង្វាន់ UEFA Nation League ហើយ។
ក្រុមព័រទុយហ្គាល់ធ្វើបានល្អតាំងពីតង់ទី១ ដោយរកបាន១គ្រាប់នាំមុខដោយប្រធានក្រុម Ronaldo ផ្ទាល់តែម្ដង ដោយការទាត់បាល់ហ្វ្រីឃីកយ៉ាងស្អាត។ យ៉ាងណាមិញ ស្វីសក៏មានឱកាសតាមបានស្មើវិញដែរ ក្រោយពី Rodríguez ប៉េណាល់ទីនៅនាទី៥៧។ នៅជិតចប់ការប្រកួតទៅហើយ Ronaldo ដដែល ក៏ថែមបាន២គ្រាប់វិញទៀត ដើម្បីនាំក្រុមព័រទុយហ្គាល់ឡើងវគ្គផ្ដាច់ព្រ័ត្រពានរង្វាន់ក្នុងតំបន់អឺរ៉ុបនេះទៀត។
ព័រទុយហ្គាល់ នឹងត្រូវចាំមើល១គូទៀតគឺក្រុមអង់គ្លេស ប៉ះហុល្លង់នៅយប់នេះ ដើម្បីស្វែងរក១ក្រុមជួបខ្លួន នាវគ្គផ្ដាច់ព្រ័ត្រ៕ប្រភព៖ Dailymail