អ្នកចាំទីវ័យចំណាស់ Gianluigi Buffon នឹងចាកចេញពីក្លឹប Paris Saint-Germain នារដូវក្តៅនេះ បន្ទាប់ពីកុងត្រារបស់លោកត្រូវបានបញ្ចប់ជាផ្លូវការ។
កីឡារកសញ្ជាតិអ៊ីតាលីដែលបានផ្លាស់មកចូលរួមនៅលក្ខខណ្ឌផ្ទេរឥតតម្លៃខ្លួនចេញពី Juventus បានព្រមព្រៀងលើកុងត្រា ១ ឆ្នាំជាមួយនឹងក្លឹបសេដ្ឋីបារាំង។ ក្នុងការបង្ហាញខ្លួន ២៥ ប្រកួត បុរសវ័យ ៤១ ឆ្នាំ ក៏ជាចំណែកមួយដែលបានជួយឲ្យក្រុមឈ្នះពានរង្វាន់ Ligue 1 ប៉ុន្តែខកខានការឈ្នះពាន Coupe de France នាវគ្គផ្តាច់ព្រ័ត្រនិងធ្លាក់ត្រឹមវគ្គ ៨ ក្រុមនៅ Champions League។
តាមរយៈសេចក្តីថ្លែងការណ៍ជាសាធារណៈចេញពីក្លឹប PSG បានសរសេរថា៖ “ក្លឹប Paris Saint-Germain និង Gianluigi Buffon បានព្រមព្រៀមនឹងមិនមានការបន្តកុងត្រាថ្មីដល់វីរបុរសរូបនេះបន្តទៀតឡើយ ដោយកុងត្រារបស់លោកនឹងត្រូវផុតត្រឹមថ្ងៃទី ៣០ មិថុនា ឆ្នាំ ២០១៩”។
សម្រង់សម្តីចេញពីសាមីខ្លួនផ្ទាល់ក៏បាននិយាយថា៖ “អរគុណអ្នករាល់គ្នាសម្រាប់គ្រប់យ៉ាងដែលខ្ញុំមានឱកាសក្តោបយកបទពិសោធន៍នៅប៉ារីស”។ ប្រភព៖ Goal