ក្រុម Liverpool បានប្រកាសបញ្ចេញកីឡាករ២នាក់គឺ Daniel Sturridge និង Alberto Moreno ហើយ ក្រោយពីក្លឹបមិនបន្ដកុងត្រាថ្មីឱ្យទៀត។
ហង្សក្រហម ទើបតែលើកពានរង្វាន់ UEFA Champions League ក្រោយពីយកឈ្នះលើក្រុម Spurs ក្នុងលទ្ធផល ២-០។ ក្រោយពីឈ្នះការប្រកួតនេះហើយ ពេលនេះដល់ពេលលោក Klopp ចាប់ផ្ដើមគិតគូពីកីឡាករដើម្បីត្រៀមលេងរដូវកាលថ្មីខាងមុខទៀតហើយ។ ក្នុងនោះ ពួកគេបានប្រកាសថាកីឡាករ២នាក់នឹងត្រូវចាកចេញពីក្រុមហើយគឺ Daniel Sturridge និង Alberto Moreno ។
Sturridge ផ្លាស់ពីក្រុម Chelsea មកតាំងពីឆ្នាំ២០១៣ ដោយលេងបាន១៦០ប្រកួត និងរកបាន៦៧គ្រាប់។ ដោយឡែកសម្រាប់ Moreno វិញ ផ្លាស់ពីក្រុម Sevilla កាលពីឆ្នាំ២០១៤ លេងបាន១៤១ប្រកួត និងរកបាន៣គ្រាប់ដែរ ក្នុងនាមជាខ្សែការពារ៕ប្រភព៖ Dailymail
