លោក Maradona វីរបុរសបាល់ទាត់អាហ្សង់ទីន បានបញ្ជាក់ថាមានវិធីអាចដឹកនាំក្រុម Manchester United ឱ្យខ្លាំងវិញបាន ប្រសិនបើពួកគេយកលោកទៅដឹកនាំ។
បិសាចក្រហមមិនឈ្នះពាន និងមិនមានសមត្ថភាពប្រជែងជាមួយក្រុមក្នុងលីគ គឺជាប្រធានបទសំខាន់សម្រាប់អ្នកគាំទ្រទាំងអស់។ ខណៈដែលតាំងពីលោក Sir Alex ចាកចេញទៅក្រុមមួយនេះ ហាក់ខ្សោយខ្លាំងមែនទែន មិនមានសមត្ថភាពអាចប្រជែងជាមួយក្រុមរួមទីក្រុង Man City បានឡើយ។
ចំណុចនេះ លោក Maradona បាននិយាយថានេះជាអ្វីដែលលោកមើលឃើញ។ សម្រាប់ផ្នត់គំនិតលោកវិញ វីរបុរសអាហ្សង់ទីននេះថាមានវិធីដើម្បីឱ្យបិសាចក្រហមត្រលប់ទៅរកភាពខ្លាំងវិញបាន។ ប្រសិនបើលោកមកដឹកនាំក្រុម គឺលោកនឹងមិនយក Pogba ឡើយ ព្រោះថាកីឡាករនេះជាអ្នកនាំក្រុមទាំងមូលលេងមិនល្អ មិនមានអារម្មណ៍ផ្ដោតលើការប្រកួត៕ប្រភព៖ Dailymail