James Rodriguez នឹងមិនបន្តឈរជើងឲ្យក្លឹប Bayern Munich ទៀតនោះឡើយ បន្ទាប់ពីរូបគេបានចាយពេលខ្ចីជើងចេញពី Real Madrid អស់រយៈពេល ២ រដូវកាល។
យោងតាមសារព័ត៌មាន BRFootball បានសង្ខេបនូវសម្រង់សម្តីសាធារណៈមួយរបស់នាយកប្រតិបត្តិក្លឹប Bayern Munich លោក Karl-Heinz Rummenigge មានប្រសាសន៍ថា៖ “James Rodriguez បានស្នើសុំក្លឹបពីការចាកចេញរួចជាស្រេចហើយ”។
តាមសារព័ត៌មាន Marca កន្លងទៅក៏ធ្លាប់បានចុះផ្សាយស្រដៀងថាការវិលត្រលប់របស់ James នឹងមកចូលរួមនៅ Real Madrid ក៏ប៉ុន្តែលោក Zinedine Zidane ហាក់មិនបើកដៃទទួលស្វាគមន៍ខ្សែបម្រើប្រយុទ្ធរូបនេះឡើយ ជាហេតុធ្វើឲ្យអនាគតរបស់កីឡាករកូឡុំប៊ីនៅរងមន្ទិលសង្ស័យរង់ចាំឃ្លាំមើលដដែល។
នារដូវកាល ២០១៨/១៩ បង្ហាញខ្លួន ២០ លើកនៅ Bundesliga រូបគេរកបាន ៧ គ្រាប់និងធ្លាប់បង្ហាញខ្លួននៅ Champions League បាន ៥ លើក តែមិនមានគ្រាប់បាល់ស៊ុតបញ្ចូលទី។ ប្រភព៖ BRFootball | Marca