ក្រុម PSG បានប្រកាសមិនលក់ Neymar ឱ្យវិញជាដាច់ខាត ក្រោយពីក្រុម Barcelona ទាក់ទងចង់បានរូបគេទៅលេងនៅ Camp Nou វិញនារដូវកាលក្រោយ។
ក្រុមអ្នកមានបុណ្យកំពុងស្វែងរកខ្សែប្រយុទ្ធថ្មីមករួមក្រុម ក្រោយពីរដូវកាលនេះឈ្នះពានរង្វាន់បានតែ La Liga ១ប៉ុណ្ណោះ។ លោក Valverde គ្រោងលក់ Coutinho និង Dembele វិញ ដើម្បីរកអ្នកថ្មីមកជំនួសឱ្យខ្លាំងជាងមុន។ បើយោងតាមប្រភពនៅអេស្ប៉ាញក្រុម Barcelona ចង់បាន Neymar ត្រលប់មកវិញ លេងជុំជើងជាមួយ Messi ដូចមុនវិញ។
ទន្ទឹមនឹងការចង់បាននេះដែរ លោក Nasser Al-Khelaifi ប្រធានក្លឹប PSG បានបញ្ជាក់យ៉ាងច្បាស់ថា Neymar មិនមែនសម្រាប់លក់ឡើយ។ ការចង់បានរបស់ Barcelona គឺមិនអាចទៅរួចឡើយ។ ការមិនលក់កីឡាករល្អរបស់ខ្លួននេះ គឺដោយសារតែពួកគេមានជំនឿចិត្តថានឹងអាចប្រជែងពានរង្វាន់ UEFA Champions League បាននារដូវកាលក្រោយនេះ៕ប្រភព៖ Dailymail