ក្រុម Real Madrid បានព្រមព្រៀងគ្នាទិញយកខ្សែការពារ Ferland Mendy ម្នាក់ពីក្រុម Lyon បានហើយ ក្នុងតម្លៃខ្លួន៤៤លានផោន។
ក្រុមទាំងពីរបានយល់ស្របគ្នាក្នុងការទិញលក់ កីឡាករខាងលើនេះហើយ។ រូបគេជាកីឡាករទី៣ដែលនឹងត្រូវបង្ហាញខ្លួនឱ្យក្រុម Zidane នៅរដូវកាលក្រោយនេះ។ នេះជាខ្សែការពារម្នាក់ដែលបានបង្ហាញសមត្ថភាពយ៉ាងល្អនៅលីគកំពូលបារាំងរដូវកាលមុន។ ត្រឹមវ័យ២៣ឆ្នាំរូបគេ បានបង្ហាញខ្លួន៧៩ប្រកួតដែរឱ្យក្រុម Lyon គិតចាប់ពីឆ្នាំ២០១៧មក។
ការបង្ហាញខ្លួនកីឡាករបារាំងនេះ អាចនឹងធ្វើឡើងជាមួយការមកដល់ Hazard ដូចគ្នា។ ដោយពិធីអាចនឹងធ្វើឡើងនៅថ្ងៃទី១០ខែមិថុនាឆ្នាំ២០១៩នេះ នៅកីឡដ្ឋាន Bernabeu ៕ប្រភព៖ Dailymail
