ខ្សែប្រយុទ្ធ Lionel Messi បានប្រាប់ទៅថ្នាក់ដឹកនាំក្លឹបថារូបគេចង់បាន Neymar ត្រលប់មកវិញ ជាជាងយក Griezmann មករួមក្រុមនៅរដូវកាលក្រោយ។
Messi បារម្ភពីអាកប្បកិរិយារបស់កីឡាករបារាំង ត្បិតអីសមាជិកក្រុមក្នុងបច្ចុប្បន្ននេះច្រើនដែលមិនចូលចិត្តគេឡើយ។ កត្ដាហើយ រូបគេក៏ប្រាប់ពីបំណងនិងកីឡាករដែលខ្លួនចង់មករួមក្រុមផងដែរ។ Messi នៅតែចង់បាន Neymar ត្រលប់មករួមក្រុមវិញ បើទោះជាកីឡាករប្រេស៊ីលនេះមានបញ្ហារបួសច្រើន មិនបានបង្ហាញសមត្ថភាពគ្រប់គ្រាន់ក៏ដោយ។
ការចង់បាន Neymar មកវិញ របស់ Messi នេះគឺស្របពេលដែលរូបគេកំពុងមិនសប្បាយចិត្តនៅបារាំងស្រាប់។ មានដំណឹងថា Neymar ចង់ចាកចេញពីបារីសដែរ ប៉ុន្តែក្លឹបថ្មីដែលខ្លួនចង់ទៅនោះ ត្រូវបង់តម្លៃពលកម្មដល់ទៅជាង១លានដុល្លារឯណោះក្នុង១សប្ដាហ៍។ កត្តាទាមទារប្រាក់ឈ្នួលខ្ពស់យ៉ាងនេះហើយ ទើបបានជាមិនមានក្លឹបណាមួយហានចេញមុខទាក់ទងឡើយ៕ប្រភព៖ Dailymail
