ក្រុម Liverpool ចង់បន្ដកុងត្រា ឱ្យលោក Jurgen Klopp រយៈពេលវែង ដើម្បីឱ្យអ្នកចាត់ការរូបនេះបានដឹកនាំក្រុម Liverpool ជោគជ័យ ឈ្នះពានរង្វាន់ច្រើនទៀត។
លោក Klopp នាំក្រុម Liverpool ឱ្យស្គាល់ជាតិពានរង្វាន់វិញហើយ ក្រោយពីខកខានជាច្រើនឆ្នាំមក។ ក្រោយចប់ការប្រកួតអ្នកចាត់ការអាល្លឺម៉ង់រូបនេះបានបញ្ជាក់ថានេះគ្រាន់តែជាការចាប់ផ្ដើមរបស់ក្រុមលោកប៉ុណ្ណោះ ខណៈដែលរដូវកាលក្រោយទៀតនឹងការមានប្រកួតប្រជែងខ្លាំងជាងនេះទៅទៀត។
ការធ្វើបានល្អរដូវកាលនេះ ដែលធ្វើឱ្យអ្នកគាំទ្រពេញចិត្តខ្លាំង ថ្នាក់ដឹកនាំក្រុម Liverpool កំពុងចង់បន្ដកុងត្រាដល់លោក Klopp រយៈពេលវែងទៀតហើយ។ ក្នុងនោះ គេនឹងតំឡើងតម្លៃពលកម្មរបស់លោកឱ្យដល់១០លានផោនក្នុង១ឆ្នាំ ស្របពេលបច្ចុប្បន្ននេះមានត្រឹម៧លានផោនក្នុង១ឆ្នាំប៉ុណ្ណោះ៕ប្រភព៖ Dailymail