Andy Ruiz អ្នកប្រដាល់មានសាច់របស់មិចសិកូ បានយកឈ្នះលើជើងខ្លាំងអង់គ្លេស Joshua បានដោយផ្ដួលឱ្យសន្លប់ត្រឹមទឹក៦ប៉ុណ្ណោះ ក្នុងការប្រកួតខ្សែក្រវាត់ទម្ងន់ធ្ងន់ពិភពលោកនៅអាមេរិក។ការប្រកួតរវាងអ្នកទាំងពីរនេះ ពិតជាធ្វើឱ្យមានការភ្ញាក់ផ្អើលមែនទែន ត្បិតអី Ruiz ធាត់ មិនសូវមានសាច់ដុំអ្វីនោះទេ។ ជាក់ស្ដែង គេគិតថាកីឡាករមិចសិកូនេះ ប្រហែលមិនអាចស៊ូជាមួយជើងខ្លាំងអង់គ្លេស ដែលមិនស្គាល់បរាជ័យក្នុងប្រកួតសំខាន់ឡើយ។
ដល់ពេលចាប់ផ្ដើមមែនទែន ការរំពឹងទុកទាំងអស់នោះ ខុសស្រឡះតែម្ដង Ruiz វាយច្បាស់ និងធ្ងន់ ដែលធ្វើឱ្យ Joshua ត្រូវបានរាប់ និងបោះបង់ការប្រកួតត្រឹមទឹក៦ប៉ុណ្ណោះ។ទទួលបានជ័យជម្នះកក្រើកមេឃនេះ បានធ្វើឱ្យ Ruiz ក្លាយជាកីឡាករមិចសិកូដំបូងបំផុតក្នុងប្រវត្តិសាស្ត្រដែលឈ្នះខ្សែក្រវ៉ាត់ទម្ងន់ធ្ងន់ពិភពលោក ដោយបំបាក់កីឡាករជើងខ្លាំងអង់គ្លេស៕
ប្រភព៖ DailyMail