មុនការប្រកួតទល់ក្រុម Liverpool ឈានចូលមកដល់នៅម៉ោង២រំលងអាធ្រាត្រនេះ លោក Pochettino អ្នកចាត់ការក្រុម Spurs បានដាស់តឿនកូនក្រុម និងចង់ឱ្យពួកគេបង្កើតប្រវត្តិសាស្ត្រថ្មីក្នុងវិស័យបាល់ទាត់។
អ្នកចាត់ការក្រុមអាហ្សង់ទីនខាងលើដឹងច្បាស់ថាក្រុមកីឡាកររបស់លោកប្រឹងប្រែងហ្វឹកហាត់ និងលេងសហការគ្នាជាក្រុមខ្លាំងណាស់ ទម្រាំបានមកដល់វគ្គនេះ។ ការប្រកួតវគ្គផ្ដាច់ព្រ័ត្រនឹងកាន់តែស្វិតស្វាញខ្លាំងថែមទៀត ត្បិតអី Liverpool មានប្រវត្តិខ្លាំង ហើយបទពិសោធពានរង្វាន់នេះក៏ច្រើនថែមទៀត។
យ៉ាងណាមិញ លោក Pochettino ចង់ឃើញលទ្ធផលនៃការខិតខំប្រឹងប្រែងរបស់កីឡាករខ្លួន។ មុនការប្រកួតនេះចាប់ផ្ដើម លោកបានដាស់តឿនទៅកូនក្រុមថា ការខិតខំប្រឹងប្រែង តែងតែទទួលបានផលជានិច្ច។ ហើយរាត្រីនេះ គឺជាផលសម្រេចមួយសម្រាប់ក្រុម ត្រូវតែយកពានរង្វាន់ UEFA Champions League នេះឱ្យបាន ដើម្បីបង្កើតប្រវត្តិសាស្ត្រមួយសម្រាប់ក្រុម Spurs ៕ប្រភព៖ Dailymail