ខ្សែប្រយុទ្ធ Antoine Griezmann បានប្រកាសចេញពីក្រុម Atletico Madrid ហើយនៅរដូវក្ដៅនេះ ដើម្បីស្វែងរកក្លឹបថ្មី ហើយក្លឹបនោះត្រូវបានគេដឹងថា FC Barcelona ។
យ៉ាងណាមិញ បើយោងតាម Marca បានចុះផ្សាយថាលោក Josep Bartomeu ប្រធានក្លឹបអ្នកមានបុណ្យមិនមានចំណាប់អារម្មណ៍ខ្លាំងក្នុងការនាំយកកីឡាករបារាំងនេះឡើយ បើទោះជារូបគេចង់មកលេងឱ្យ Barcelona ខ្លាំងយ៉ាងណាក៏ដោយ។ ការមិនចាប់អារម្មណ៍នេះ គឺដោយសារតែតម្លៃខ្លួនរបស់គេ មានដល់ជាង១០០លានផោនឯណោះ ខណៈដែលតម្លៃពលកម្មវិញនោះ គឺកាន់តែខ្ពស់ថែមទៀត អាចដល់១៧លានផោនក្នុង១ឆ្នាំឯណោះ។
តាំងពីឆ្នាំមុនមកហើយ ដែលក្រុម Barcelona មានដំណឹងថាចង់បាន Griezmann នេះ ប៉ុន្តែកាលគ្រានោះតម្លៃខ្លួនចរចាគ្នាមិនត្រូវទើបការផ្ទេរមិនអាចកើតមានឡើង។ ខណៈដែលរដូវកាលថ្មីខាងមុខនេះ សាមីខ្លួនកីឡាករបារាំងជាអ្នកប្រកាសចេញពី AT Madrid ហើយ ដូច្នេះបើមិនទៅក្រុមអ្នកមានបុណ្យទេ ក៏រូបគេនឹងចាកចេញពីអេស្ប៉ាញដែរ។ នៅអង់គ្លេសមានក្រុម១ដែលចាប់អារម្មណ៍លើរូបគេ គឺ Manchester United ៕ប្រភព៖ Dailymail
