បន្ទាប់ពី Chelsea លើកពានរង្វាន់ Europa League ជាផ្លូវការ កីឡាករ Eden Hazard ក៏បានប្រកាសលាអ្នកគាំទ្ររបស់ខ្លួន បន្ទាប់ពីរងចចាមអារ៉ាមឥតឈប់ឈរនៅចុងរដូវកាល ២០១៨/១៩។
តាមការមើលឃើញរបស់ David Luiz ដែលជាមិត្តរួមទ្រនំនៅតោខៀបានសម្លឹងឃើញពីបេក្ខភាព សំខាន់ម្នាក់ក្នុងក្រុម ដែលអាចជំនួសតំណែងរបស់ Hazard បាន។ លោកឆ្លើយតបថា៖ “តាមពិតគឺមានតែ Messi ឬ Ronaldo ប៉ុន្តែយើងក៏មានអ្នកដែលអាចជំនួស Hazard បាន នោះគឺ Callum Hudson-Odoi ដែលគេលេងបានល្អ ត្បិតអីគេចាប់ផ្តើមមិនបានល្អដោយសារបញ្ហារបូស តែនេះជាពេលល្អសម្រាប់គេក្នុងការពង្រឹងត្រលប់មកវិញ”។
Luiz បន្ថែម៖ “យ៉ាងណាមិញសម្រាប់ Hazard ប្រសិនគាត់ទៅ ខ្ញុំមានតែជូនពរឲ្យគាត់ជោគជ័យបំផុតទៅថ្ងៃមុខ ព្រោះគាត់ជាកីឡាករអស្ចារ្យមួយរូប ដោយខ្ញុំក៏រីករាយជាមួយគាត់ណាស់ដែរ”។
បញ្ជាក់ថាសាមីខ្លួនផ្ទាល់ Hudson-Odoi កន្លងមកក៏ធ្លាប់បានគេរាយការណ៍ថាយុវជនរូបនេះក៏ចង់គ្រងអាវលេខ ១០ ជំនួស Hazard ដូចគ្នា ហើយហាក់ពុំមានការប្រកែកឬតវ៉ាពីបណ្តាអ្នកគាំទ្រនោះឡើយ។ ប្រភព៖ FoxSportAsia