ខ្សែការពារ Sergio Ramos បានបញ្ជាក់ច្បាស់ថាខ្លួនមិនចង់ចេញទៅណាចោលក្រុម Real Madrid ឡើយ ដោយមានក្ដីស្រមៃចូលនិវត្តន៍នៅក្លឹបនេះតែម្ដង។
ប្រធានក្លឹប Perez កាលពីសប្ដាហ៍មុនបញ្ជាក់ថា Ramos ចង់ចាកចេញពី Real Madrid ហើយ ដោយមានក្លឹបនៅចិនបានស្នើរូបគេទៅលេងនៅទីនោះ។ ដោយឡែកនៅពេលនេះ សាមីខ្លួនបែរជាច្រានចោលរឿងទាំងអស់នោះទៅវិញ។ ប្រធានក្រុមរូបនេះ បានបញ្ជាក់ថាខ្លួននឹងនៅតែជាកីឡាករក្រុមអធិរាជសដដែល ហើយក៏ចង់ចូលនិវត្តន៍នៅក្លឹបនេះផងដែរ។
Ramos ចូលរួមជាមួយក្រុម Real Madrid តាំងពីឆ្នាំ ២០០៥។ ក្នុងនាមជាខ្សែការពារកណ្ដាល រូបគេលេងបាន៤១៩ប្រកួត និងរកគ្រាប់បាល់បាន៥៩គ្រាប់ ជួយក្រុមឈ្នះពានរង្វាន់ជាច្រើន៕ប្រភព៖ Dailymail