ត្បិតមិនទាន់រកឃើញអ្នកចាត់ការច្បាស់លាស់មួយរូប ប៉ុន្តែសម្រាប់ក្លឹប Juventus ត្រូវបានគេរាយការណ៍ហើយស្រេចថាកំពុងពិចារណាក្នុងការនាំយកតារាឆ្នើម Cristiano Piccini របស់ក្លឹប Valencia មកចូលរួមនារដូវកាលក្រោយ។
ការចរចានេះទំនងជាត្រូវចាយលុយប្រមាណ ២០ លានអឺរ៉ូសម្រាប់ការថ្ពក់យកកីឡាករក្រុមជើងឯកពាន Copa del Rey ប៉ុន្តែក៏មិនបានធ្វើឲ្យសេះបង្កង់ខាតបង់នោះដែរ ព្រោះតាមសារព័ត៌មាន Tuttosport ក៏សង្កត់ធ្ងន់ថាក្លឹប Juve ប្រហែលជាត្រូវរ៉ូវក្នុងការផ្ទេរចេញ Joao Cancelo នៅតម្លៃខ្លួន ៦០ លានអឺរ៉ូឲ្យទៅក្លឹបអ្នកមាន Manchester City។
គួរបញ្ជាក់ថា Valencia បានយកឈ្នះលើ Barcelona នៅលទ្ធផល ២-១ ជាប់ប្រវត្តិសាស្ត្រក្នុងការលើកពាន Copa del Rey និងជាក្រុមមានចំនួនប្រកួតច្រើនបំផុតលំដាប់ទី ២ នារដូវកាល ២០១៨/១៩។ ប្រភព៖ AllFootball