ក្រុម Chelsea បានហ្វឹកហាត់ជុំគ្នាលើកចុងក្រោយនៅកីឡដ្ឋាន Baku កាលពីយប់មិញនេះ ដើម្បីត្រៀមលេងវគ្គផ្ដាច់ព្រ័ត្រទល់ក្រុម Arsenal នៅម៉ោង២រំលងអាធ្រាត្រពានរង្វាន់ UEFA Europa League ។
ក្នុងការហ្វឹកហាត់ចុងក្រោយនេះដែរ មានការប៉ះទង្គិចគ្នារវាងកីឡាករ David Luiz និង Higuain ផងដែរ ដែលធ្វើឱ្យលោក Sarri ដែលជាអ្នកចាត់ការខឹងជាខ្លាំង។ យ៉ាងណាមិញ ក្រោយពីហ្វឹកហាត់ចប់ទៅ ជំនួយការអ្នកចាត់ការសញ្ជាតិអ៊ីតាលី បានបញ្ជាក់ថាមិនមានអ្វីធ្ងន់ធ្ងរឡើយ ហើយលោក Sarri បង្ហាញកាយវិការមិនពេញចិត្តនោះ ក៏មិនមែនដោយសារតែកីឡាករដែរ។ លោកមិនពេញចិត្ត ព្រោះមិនអាចអនុវត្តការលេង Set Play បានប៉ុណ្ណោះ។
មួយរយៈចុងក្រោយនេះ លោក Sarri មានបញ្ហាច្រើនមែនទែនជាមួយក្រុម Chelsea ។ មានប្រភពមួយចំនួនបានបញ្ជាក់ថាលោកបានយល់ព្រមទៅដឹកនាំក្រុម Juventus ទៅហើយ ក្រោយពីចប់ការប្រកួតទល់ក្រុម Arsenal នៅយប់នេះ៕ប្រភព៖ Dailymail
