លោក Jurgen Klopp យល់ឃើញថាក្រុម Liverpool នេះជាក្រុមល្អបំផុត ដែលលោកបានដឹកនាំក្នុងអាជីពជាអ្នកចាត់ការនេះ។
Klopp នឹងត្រូវដឹកនាំក្រុម Liverpool តតាំងជាមួយក្រុម Spurs នាការប្រកួតវគ្គផ្ដាច់ព្រ័ត្រពានរង្វាន់ UEFA Champions League នៅយប់ថ្ងៃទី១ ខែមិថុនា នៅទីក្រុងម៉ាឌ្រីដ។ នេះជាលើកទី២ហើយក្នុង២រដូវកាលមកនេះ ដែលលោក Klopp អាចនាំក្រុមហង្សក្រហមឡើងដល់ផ្ដាច់ព្រ័ត្រនៅ UCL ។
មុនការប្រកួតនោះចាប់ផ្ដើម អ្នកចាត់ការសញ្ជាតិអាល្លឺម៉ង់ខាងលើបាននិយាយដែរថា៖ “នេះជាក្រុមល្អបំផុតដែលខ្ញុំធ្លាប់បានដឹកនាំ។ ឆ្នាំមុនយើងបរាជ័យនៅក្រុងគៀវ ហើយឆ្នាំនេះយើងចង់លើកពាននៅទីក្រុងម៉ាឌ្រីដវិញ។ ក្រុមរបស់យើងជាក្រុមដែលល្អទាំងសមត្ថភាពនិងចរិត ហើយនេះជាអ្វីដែលបាល់ទាត់ត្រូវការ”៕ប្រភព៖ Dailymail