ខ្សែការពារ Sergio Ramos ត្រូវប្រធានក្លឹប Perez ស្ដីបន្ទោសរឿងក្រុម Real Madrid ចាញ់ Ajax ទើបធ្វើឱ្យរូបគេអន់ចិត្ត និងសម្រេចចង់ចាកចេញពីក្រុមនេះតែម្ដង។
Ramos បានប្រកាសចាកចេញពីអេស្ប៉ាញ ដើម្បីស្វែងរកក្លឹបថ្មី ដើម្បីទទួលបានបទពិសោធថ្មី ក្រោយពីចំណាយពេលជាមួយ Real Madrid តាំងពីឆ្នាំ២០០៥មក។ ការប្រកាសចាកចេញនេះដែរ មានក្លឹបជាច្រើនចង់បានរូបគេ តួយ៉ាងដូចជា Manchester United , PSG ជាដើម។
ចំពោះការចង់ចាកចេញទៅនេះដែរ គឺកើតឡើងក្រោយពីក្រុម Real Madrid ប្រកួតចាញ់ Ajax នៅពានរង្វាន់ UEFA Champions League ។ លោក Perez ប្រធានក្លឹបអធិរាជស បានស្ដីបន្ទោសខ្លាំងចំពោះ Ramos ដែលជាប្រធានក្រុម សម្រាប់លទ្ធផលធ្លាក់ចេញនេះ។ រឿងនេះហើយ ទើបបានជាធ្វើឱ្យកីឡាករអេស្ប៉ាញនេះ សម្រេចចិត្តចាកចេញទៅរកក្លឹបថ្មីទៀត។
Ramos បានជួយក្រុម Real Madrid ឈ្នះពានជាច្រើនដូចជា La Liga ៤ដង Copa del Rey ២ដង និង UEFA Champions League បាន៤ដង។ អតីតកីឡាករលេងនៅក្លឹប Sevilla រូបនេះ ត្រូវបានគេដឹងថាចង់ផ្លាស់ទៅលេងនៅលីគកំពូលចិន៕ប្រភព៖ Dailymail
