កីឡាករឆ្នើម Jack Grealish បានជួយក្រុម Aston Villa ឈ្នះ Derby County ២-១ បានកៅអីឡើងទៅលេងនៅ Premier League រដូវកាលក្រោយហើយ។
ក្នុងការប្រកួតនៅយប់មិញនេះដែរ គេឃើញ Jack បានពាក់ស្បែកជើងកញ្ចាស់របស់ខ្លួន ដែលមើលទៅសឹងតែដាច់អស់ទៅហើយ។ សម្រាប់ហេតុផលដែលធ្វើឱ្យកីឡាករវ័យ២៣ឆ្នាំពាក់ស្បែកជើងចាស់នេះ ត្រូវបានសាមីខ្លួនប្រាប់ថាជាស្បែកជើងនាំសំណាង។
ប្រធានក្រុម Aston Villa រូបនេះបានបន្ថែមទៀតថា៖ “នេះជាស្បែកជើងដែលខ្ញុំគិតថានាំសំណាងដល់ខ្ញុំ។ វាជាស្បែកជើងដែលជួយក្រុមរកគ្រាប់បាល់បាន ពេលជាសះស្បើយពីរបួសវិញ ដូច្នេះហើយខ្ញុំក៏បានទុកវា និងយកមកពាក់នៅថ្ងៃពិសេសនេះ”។
Villa ខកខានលេងនៅលីគកំពូល៣ឆ្នាំមកហើយ។ រដូវកាលក្រោយ ជារដូវកាលថ្មីសម្រាប់ពួកគេ ក្នុងការប្រជែងនៅលីគកំពូលវិញ អមជាមួយប្រាក់ក្នុងដៃ១៧០លានផោន សម្រាប់ធ្វើការទិញដូរកីឡាករថ្មី៕ប្រភព៖ Dailymail
