តាមរយៈសារបោះឆ្នោតពីអ្នកគាំទ្រផ្លូវការមួយ បានកំណត់ឃើញថា Eden Hazard ត្រូវជាប់ឈ្មោះជាកីឡាករដែលបង្ហាញទម្រង់លេងល្អបំផុតប្រចាំឆ្នាំនៅ Premier League។
កីឡាករបែលហ្សិករូបនេះទទួលបានសំឡេងគាំទ្រប្រមាណ ៣៤ ភាគរយ ដែលយកឈ្នះលើកីឡាករឆ្នើម Bernardo Silva, Sergio Aguero, Raheem Sterling របស់ Man City និង Virgil van Dijk/Sadio Mane របស់ក្លឹបហង្សក្រហម Liverpool។
Hazard ជាតារាឆ្នើមមួយរូបដែលបំបែកបាន ១៦ គ្រាប់សរុប ស្របពេលការចែកបាល់ឲ្យមិត្តរួមក្រុមស៊ុតបញ្ចូលទីធ្វើបាន ១៥ លើក ដែលបូកបញ្ចូលគ្នាជាតួលេខនៃចំណែករកគ្រាប់បាល់ខ្ពស់ដាច់គេនៅ Premier League រដូវកាល ២០១៨/១៩។
គួរបញ្ជាក់ថា PFA Fans’ Player of the Year ខុសពីពានរង្វាន់ PFA Players’ Player of the Year ព្រោះមួយជាការបោះឆ្នោតពីសំណាក់កីឡាករអាជីពនិងមួយទៀតបោះឆ្នោតពីសំណាក់អ្នកគាំទ្រផ្លូវការ។ ប្រភព: AllFootball
