ការប្រកួតវគ្គ Play off ចុងក្រោយនៅ Championship ស្វែងរកក្រុមទៅ Premier League នឹងត្រូវចាប់ផ្ដើមយប់នេះហើយ រវាងក្រុម Aston Villa ជាមួយក្រុម Derby Coutry វេលាម៉ោង៩យប់នេះ។
Aston Villa បានបាត់មុខពីលីគកំពូលអង់គ្លេស៣ឆ្នាំមកហើយ ស្របពេលក្រុម Derby វិញក៏ធ្លាក់ចេញពីក្របខណ្ឌកំពូលអង់គ្លេសច្រើនឆ្នាំមកហើយ។ ក្រុមទាំងពីរសុទ្ធតែចង់ឡើងទៅលើទាំងអស់គ្នា ខណៈដែលប្រាក់រង្វាន់ក្រុមដែលបានឡើងទៅលីគកំពូលនេះវិញ មានរហូតដល់ទៅ១៧០លានផោនឯណោះ។
សម្រាប់ការប្រកួតនេះដែរ គេសង្កេតឃើញថាថ្នាក់ដឹកនាំក្រុមទាំងពីរសុទ្ធតែជាអតីតមិត្តរួមក្រុមនៅ Chelsea ដូចគ្នា។ ដោយ Aston Villa មាន John Terry ជាជំនួយការគ្រូបង្វឹក ខណៈដែលខាង Derby វិញមាន Frank Lampard ជាគ្រូបង្វឹក។ សម្រាប់ការជួបគ្នានារដូវកាលនេះ២លើកកន្លងមក គឺក្រុម Aston Villa ឈ្នះទាំងពីរលើក។ ដូច្នេះហើយចាំមើលការប្រកួតនៅយប់នេះ ថាតើក្រុមណានឹងបានឱកាសឡើងលេងលីគកំពូល ជាមួយប្រាក់រង្វាន់ដល់១៧០លានផោន៕ប្រភព៖ Bbc