PSG ​កំពុង​ពិចារណា​នាំ​យក Milner ​ពី​ក្រុម Liverpool ​ទៅ​ពង្រឹង​តំបន់​ស្លាប​របស់​ខ្លួន​ហើយ ​ក្រោយ​ពី​កីឡាករ​រូប​នេះ​អស់​កុងត្រា​នៅ​ហង្ស​ក្រហម​ហើយ។

Milner ​អាច​នឹង​បង្ហាញ​ខ្លួន​ក្នុង​ប្រកួត​ចុង​ក្រោយ​របស់​គេ​ឱ្យ​ក្រុម Liverpool ​ហើយ​ទល់​ក្រុម Spurs ​នៅ​វគ្គ​ផ្ដាច់ព្រ័ត្រ UEFA Champions League ។ ប្រសិន​បើ​មិន​មាន​កុងត្រា​បន្ដ​ទេ ​អតីត​កីឡាករ Manchester City ​នេះ​អាច​នឹង​ដើរ​​ចេញ​ដោយ Free ​ហើយ។ ​បច្ចុប្បន្ន​នេះ ​មាន​ក្លឹប​១​កំពុង​តាម​ដាន​រូបគេ គឺ PSG ​ហើយ​បើ​ចរចា​តម្លៃ​ពលកម្ម​ត្រូវ​គ្នា ​នោះ​ក្លឹប​អ្នក​មាន​នៅ​បារាំង ​នឹង​ចុះ​កុងត្រា​យក​តែ​ម្ដង។

បុរស​វ័យ​៣៣​ឆ្នាំ​ខាង​លើ​នេះ ​ចូល​លេង​ឱ្យ​ក្រុម Liverpool ​នៅ​ឆ្នាំ​២០១៥ ​ដោយ​លេង​បាន​១២៧​ប្រកួត ​និង​រក​បាន​១៧​គ្រាប់​ផង​ដែរ។ កីឡាករ​សញ្ជាតិ​អង់គ្លេស​នេះ អាច​លេង​បាន​ទាំង​ការពារ ​បម្រើ ​និង​ប្រយុទ្ធ​ស្លាប​ថែម​ទៀត ដែល​ធ្លាប់​ជួយ​ក្រុម​របស់​លោក Klopp ​បាន​ច្រើន​ខ្លាំង​មែនទែន៕ប្រភព៖ Dailymail

LIVERPOOL, ENGLAND – MARCH 06: James Milner of Liverpool reacts during the UEFA Champions League Round of 16 Second Leg match between Liverpool and FC Porto at Anfield on March 6, 2018 in Liverpool, United Kingdom. (Photo by Shaun Botterill/Getty Images)