លោក Sarri ត្រូវបានកាសែតនៅអ៊ីតាលីចុះផ្សាយថាព្រមទៅដឹកនាំក្រុម Juventus នៅរដូវកាលក្រោយហើយ ដោយចុះកុងត្រាតម្លៃ៦លានផោនក្នុង១ឆ្នាំ។
ម្ចាស់ជើងឯកលីគកំពូលអ៊ីតាលី កំពុងស្វែងរកអ្នកចាត់ការថ្មីរបស់ខ្លួន ក្រោយពីលោក Allegri សម្រេចចាកចេញនៅរដូវកាលនេះ។ ក្នុងនោះដែរ បេក្ខភាពឈានមុខគេគឺលោក Sarri អ្នកចាត់ការក្រុម Chelsea នាពេលបច្ចុប្បន្ននេះ។ បុរសសញ្ជាតិអ៊ីតាលីនេះ កំពុងរង្គោះរង្គើកៅអី ក្រោយពីមានដំណឹងថាតោខៀវចង់បណ្ដេញលោកចេញពីតំណែងក្រោយចប់ Europa League ។
នៅថ្ងៃនេះ ក៏មានដំណឹងថ្មីមួយទៀតកើតឡើង ពោលគឺលោក Sarri នេះបានព្រមទៅដឹកនាំក្រុម Juventus ហើយ។ លោកនឹងទទួលបានបានប្រាក់តម្លៃពលកម្ម៦លានផោនក្នុង១ឆ្នាំ ជាមួយកុងត្រាដល់ទៅ៣ឆ្នាំឯណោះ។ ការប្រកាសជាផ្លូវការនឹងធ្វើឡើង ក្រោយពីចប់ការប្រកួតពានរង្វាន់ Europa League ៕ប្រភព៖ Dailymail
