យោងតាមសារព័ត៌មាន ‘AS’ បានចុះផ្សាយថាក្លឹប Atletico Madrid ទំនងជាទទួលប្រាក់សរុបប្រមាណ ១២០ លានអឺរ៉ូ ដែលមួយផ្នែកធំបានមកពីការធ្វើជាម្ចាស់ផ្ទះសម្រាប់វគ្គផ្តាច់ព្រ័ត្រនាដើមខែមិថុនាខាងមុខនេះ។
កីឡដ្ឋាន Wanda Metropolitano នឹងបើកទ្វារស្វាគមន៍ការប្រកួតរវាង Tottenham និង Liverpool នៅជំនួបបិទវគ្គ Champions League រដូវកាល ២០១៨/១៩។ ក្រៅពីកំណើនផ្នែកសេដ្ឋកិច្ចដល់ក្លឹបទាំងមូល ទៀតសោតទីក្រុង Madrid នៃប្រទេសអេស្ប៉ាញ ក៏រំពឹងកើបបានចំណូលខ្ទង់ ៤៥ ទៅ ៦០ លានអឺរ៉ូបន្ថែមទៀតផងដែរ។
គួររំឭកដែរថា Atletico Madrid បានតតាំងនៅ CL រដូវកាល ២០១៨/១៩ ត្រឹមវគ្គ ១៦ ក្រុមចុងក្រោយតែប៉ុណ្ណោះ បន្ទាប់ពីត្រូវបរាជ័យក្រោមថ្វីជើងរបស់ក្លឹប Juvenrtus។ ប្រភព៖ BeSoccer